بسم الله الرحمن الرحيم

السلام عليكم ورحمة الله وبركاته ..

يسر الله لنا زيارة ماليزيا والاستمتاع بجمالها وبطبيعتها الخلابة 14 يوماً ..وكانت من أجمل وأروع الأيام التي لا تنسى ..
قبل ان أبدأ احمد الله تعالى واشكره على كل نعمهِ علينا وعلى ان يسر لنا هذه الرحلة ..ثم اشكر زوجي الغالي ..الذي بذل ما في وسعه من اجل سعادتي و بنتي ..
بدأناا الاستعداد لسفرتنا من بدري حتى نضمن وجود الرحلات والفنادق المناسبة وكمان نحصل على اقل الاسعار ..
كلفني زوجي ..في اختيار الفنادق أما الطيران اتفقنا على القطرية ..لأن رحلاتها مناسبة لوقت إجازتنا ..
تحدد يوم السفر بتاريخ 19 /3 وبدأنا الاستعداد للرحلة وترتيب جدولنا ..الرحلة كانت من البحرين ...
خرجنا من البيت الساعة 2 الظهر دخلنا البحرين ومنها للمطار على طووول شحنا العفش وخلصنا امورنا بسرعة ورحنا على صالة المغادرة كانت الساعة 8 تقريباً
في الساعة 11 اعلنت الرحلة ..وركبنا الطائرة .. وانطلقنا على بركة الله..
كلها تقريباً نصف ساعة واعلن للهبوط في مطار الدوحة ..ويالله يا المتابعين على صالة تحويل الرحلات
.. دخلنا الصالة وانتظرنا في طابور طوووووويل للتفتيش ..انتهينا ووركبنا الطائرة واقلعت على طول من غير مشاكل والحمدلله
بنتي الله يرضى عليها لعبت شوي وبعدها استسلمت للنوم وما صحيت إلا قبل الهبوط بنصف ساعة ..

طفوا الانوار وقالوا ناموا لا نسمع همس .. كانت الرحلة تقريباً 6 ساعات ..لكن سبحان الله ما حسينا فيها مرة ناخذ لنا غفوة ومرة نسولف ..
لما قربت صلاة الفجر استعدينا لها وصلينا بعدها اشغلنا وقتنا في تعبئة كرت الدخول
((اعذروني ما فيه اي صورة داخل الطائرة حرام ازعجهم بالفلاش اخاف يقومون عليّ))
وصلنا بحمد لله الساعة 1,5 بتوقيت كوالالمبور وهبطت الطائرة بسلام واستقبلتنا كوالا بامطار منعشة .نزلنا للمطار وكان قمة في التنظيم والترتيب على قد الزحمة
إلي استقبلتنا إلا إنا خلصنا بسرعة اخذنا تاكسي ومنها للفندق على طول ...
هذه صور من طريق المطار يشبة طريق مطارنا ..









وصلنا الفندق



خلصنا إجراءات الدخول ..استلمنا الغرفة وكانت حلوة الحمد لله .. مو أنا إلي أخترت الفنادق..







وهذه الاطالة مش ولا بد..



صورة المسبح





النادي الرياضي



ريحنا شوي وصلينا العصر وبعدها خرجنا نتمشى حول الفندق ورحنا لشارع العرب (بوكيت بنتانج)
وقابلنا هالشحات وكان لبنتي موقف معاه ماراح تنساه ..بنتي فكرته تمثال او صنم راحت لعنده وسحبت نظارته ..فطلّع صوت وخوفها ..هربت وجلست تبكي
منه ..ويالله سكتت..وللحين إذا شافت صورته تغطي عيونها وتغير الصورة بسرعة..



صورة من شارع العرب لفندقنا



تمشينا حتى تعبنا بعدها تعشينا ورجعنا للفندق رتبنا حالنا للسفر اليوم الثاني لبيننغ ..ونمنا أحلى نومه ..
اليوم الثاني صحينا من قبل الفجر ..
وهذه صورة الشروق .



وانتظرنا الصلاة بعدها نزلنا على طول للفطور افطرنا وخرجنا للسوبرماركت قضينا شوية اغراض ورجعنا للغرفة لمينا أغراضنا وسلمناها واخذنا تاكسي للمطار ..
ركبنا طائرتنا .. ما مداني اصور طائرتنا فصورت توأمتها



اقلعنا بالسلامة .
هذه بعض الصور من الطائرة..









الرحلة تقريباً ساعة إلا ربع لكن مرت بسرعة ..
هبطنا بالسلامة ..





واخذنا تاكسي من المطار إلى فندق بارك رويال ..
هذه صور من الطريق ..





سيارة عرسان ..



وصلنا الفندق واستلمنا غرفتنا بسرعة ..كانت روووعة والإطلالة اروع ..













لا تفوتكم حفلة الزواج..



ريحنا فيها حتى غربت الشمس وفضي الشاطئ ونزلنا نتمشى شوي ..



بعدها خرجنا من الفندق للسوق الليلي ..
وقضينا ليلتنا نتمشى فيه ..وبعدها تعشينا واتفقنا مع تاكسي ..لليوم الثاني حتى ناخذ جولة في بيننغ ..


اتوقف لحد هنا ..وبإذن الله اكمل باقي الرحلة الممتعة ..فيما بعد

منقوووول

14 d,lhW td Hpqhk hg'fdum hglhgd.dm ( jrvdv lw,v )