$$ كوالالمبـــــــــور ..... كما رأيتهــــــــــــــــــــــــــــــا $$ - منتدى عالم السياحة

حمامة الحرم · 10-25-2009, 05:21 PM

$$ كوالالمبـــــــــور ..... كما رأيتهــــــــــــــــــــــــــــــا $$

يسعد لي مساكم ....

وأخيراً ... ظهر هالموضوع للنور ..

" كوالالمبور .... كما رأيتها "

أكيد كثير منكم زارو ماليزيا .. ولأكثر سمعوا عنها ..لكن من خلال زيارتي لها للمرة الثانية

خلال أقل من سنة .. جمعت معلومات وصور مهمة ممكن تفيدكم وتفيد أي شخص يفكر بزيارتها ..

ويكون هالموضوع مرجع لكل اللي محتاجة معلومة أو صورة مكان ..

أنا بتكلم عن كولالمبور وضواحيها ... لأن المدن الثانية مازرتها ..

بس في البداية ومن خلال تجاربي .. حابة أوضح لكم أحتياجات مهمة راح تفيدكم في كل سفر

وهي الضروريات اللي ممكن تحتاجونها في رحلتكم ..

بالنسبة للملابس .. فحسب طبيعه طقس البلد اللي رايحين لة تتحدد حاجتكم منها ..

لكن بنظري كل ماقلت الملابس وأقتصرت على الضروريات فقط .. كل ماكان تنقلكم أسهل ..

وبالنسبة لطقس ماليزيا ..فهو حار رطب صيفاً .. دافي معتدل شتاءً (حسيت أني حسن كراني )

وأنسب وقت من وجهة نظري لزيارتها .. هو في بداية الأشهر الميلادية .. من 1 إلى 4 ..

يكون وقتها الجو رائع جداً .. ونسبة الرطوبة تكاد تكون معدومة ..

فالملابس اللي أخذتها للرحلة .. كانت معظمها قطنية ومريحة ..مع الجينز طبعاً ..

ومن اهم أهم الأساسيات لأي رحلة فيها مشي كثير ..طبعاً هو الحذاء المناسب

والمريح ..لجميع أفراد الأسرة .. عشان ماتشوفية حواجب معقدة ولا بوز ممدود شبرين

وراك وأنتي تمشين ..و مظلة المطر ..في ماليزيا تعتبر ضرورة ملحة ..

وحسب عددكم لازم كل 2×1 .. لأن المطر ينزل بشكل يومي ..وبدون سابق إنذار ..

كوالالمبـــــــــور رأيتهــــــــــــــــــــــــــــــا

تحتاجين بعد شنطة ..كبيرة نوعاً ما ..خفيفة الوزن .. للتنقل اليومي .. فيها أهم احتياجاتكم

للطوارئ ..

( مناديل × محفظة صغيرة فيها بانادول وبلاستر جروح ومسحة طبية ×اغطية المرحاض

البلاستيكية...)

والباقي يتحدد حسب حاجاتكم وعددكم .. ممكن سناك خفيف لو معك صغار

بس هالشنطة لازم تكون جاهزة على طول مع المظلات والكاميرات عند باب الغرفة ..

يفضل أن أول مكان تروحون لة " سلانجور " .. وهي مدينة قريبة حيل من كوالا

وفيها أشهر معلم سياحي في الكوالا وهو " الصن وي لاقوون "..وهي عبارة عن مدينة ألعاب

ضخمة .. نصفها مائية وأكوا بارك ..وفيها فندق ومول .. والفندق حقها مرة حلو ..

بس ماتحتاج أكثر من يومين للإقامة فيها ..

هذي صورة لجزء من المدينة المائية ..

وهذا فندق الصن وي لاقوون ..وهو 5 نجوم .. ورائع جداً .. والخدمة فية ممتازة ..

ويفضل لو تحجزين الغرفة بإطلالة على مدينة الألعاب .. وفية جزء شقق فندقية للعائلات الكبيرة