|
|
| التميز خلال 24 ساعة | |||
| العضو المميز | الموضوع المميز | المشرف المميز | المشرفة المميزه |
| سلمي موسي | ما هي الأسباب الرئيسية في ارتفاع أسعار الذهب؟
بقلم : سلمي موسي |
قريبا | قريبا |
|
 |
 |
 |
||||||||
|
||||||||||
 |
 |
|||||||||
| السياحة في الإمارات العربيه المتحدة السياحة في الإمارات العربيه المتحدة,Tourism in United Arab Emirates |
 الإهداءات |
آخر 10 مشاركات
|
 |
|
|
LinkBack | أدوات الموضوع | انواع عرض الموضوع |
12-16-2009, 10:03 PM
|
رقم المشاركة : 1 (permalink) | |||||||||||
|
عيديتنا..في العين
 29-11-2009 الشيخ يتصل بك **فوفو**:السلام عليكم الشيخ: وعليكم السلام والرحمه.. شخباركم **فوفو**: الحمدلله بخير.. شخباركم انتوا؟ الشيخ: الحمدلله بخير.. شو بتطلعون اليوم؟ **فوفو**: ما اعتقد والله.. الحنون يبى يخلص اشغاله هاليومين وبيسير راك بيتم هناك.. الشيخ: انزين عيل تلبسوا بمر عليكم بنسير حتا وبنمر ناخذ غدا قبل.. **فوفو**: ان شاء الله الحينه بقول لهم.. الشيخ: اسرعوا انا خمس دقايق وبظهر.. **فوفو**: اوكي.. الشيخ: في امان الله **فوفو**: مع السلامه في هاليوم رحنا لحتا وصورت العديد من الصور لكن الظاهر من بدايه الرحله كانت النحاسه ملاحقتني.. في بدايه الانطلاقه ... تعرضت الدلوعه لاصابه >>> سياره اخوي  وبعد التقاط العديد من الصور .. والوصول للمنزل.. في لحظه النزول من السياره طاحت الكيمرا.. وراح كل شي فيها معاها  استسلمت للامر الواقع وقلت خيره والعوض في المرات اليايه  .. ونزلنا من السياره وعلى الاتفاق.. نزل اخوي يستاذن من ابوي انه ياخذنا للعين في اليوم اللي بعده >> هذي كانت عيديته لنا وحصلنا الموافقه وبدينا بتجهيز اغراضنا.. على ان نروح ونبات ليله هناك.. .. المنظمون للرحله: 1- أخوي وزوجته وانا و2 من خواتي 2- اختي وزوجها وعيالها .. طبعا يوم كنا في حتا تناقشنا في الموضوع بحيث ان الطرف الثاني المنظمون قالوا بيطلعون الظهر.. ونحن بناءا على اصرارنا على اخوي نبا نطلع من الصبح بحيث نقضي وقت اكثر هناك.. وكان لنا اللي نريده.. ..  30-11-2009 انطلقنا في الساعه 10 صباحا.. وقفنا في محطتين .. المحطه الاولى للريوق.. والمحطه الثانيه لاخذ بعض التسالي<<< جبوسات وحلويات وغيره ووصلنا في الساعه 12 ووقت دخولنا كل واحد عطى الثاني تنبيه ان لو حد عرف ان نحن في العين يرفض طلب اي دعوه .. لان في كل مره نروح فيها للعين نلبي طلبات الدعوه ومانقدر نتمشى بعدها.. وبعد اتفاقنا على طول رن تلفون اخوي ... بو .... يتصل بك... طبعا شاف السياره وعلى طول اتصل.. واعتذر اخوي بكل لباقه وع اصراره انه يرسل لنا الريوق والغدا والعشا واعتذر له اخوي وقاله نحن يايين نتمشى ومانعرف وين بنكون ما بنقعد في الفندق.. الى ان مر الموضوع بخير.. واترككم مع كم صوره ع الطاير..   لمشجعي نادي العين >>> انا مب منهم      بعدها .. اتصلنا بالفندق وقالوا لنا ان الغرف بتكون جاهزه الساعه 2 وكان جدامنا ساعتين .. فقلنا بنقضيهم في: العين مول Alain Mall الموقع: http://www.alainmall.net/ الخارطه:  بعض الصور اللي قدرت التقطها:        هروب زوج اختي بناءا على اتفاق مسبق مع اخي سار يشوف العروض الموجوده في السينما عسب يدخلون ويخلونا نتسوق نحن وطبعا ماوافقناهم واصرينا يا اما وياهم والا فلا.. وطبعا مادخلوا!!  وعلى اصرار الصغار على التزلج لهم كان اللي يريدونه..   وبعدها البعض تغدى والبعض اكمل رحله التسوق وفضلوا يتغدون في الفندق.. وانا من الطرف الثاني..  ع الساعه 2 ونص قررنا نطلع من المول.. بناءا على رغبه اخوي قال انا ما اعرف جيه ما احس اني ياي مكان ثاني لازم اسير الفندق اول وعقب بحس وكان له اللي يريده.. ونحن مروحين دارت اسالتنا وين حاجزين ووين بنروح وهالاشياء ..   لين ماوصلنا للفندق.. اللي انصدم عليه اخوي بدايه.. وقال الحينه هذا خمس نجوم! وكان هو بوده انه نحجز في روتانا او نحجز شاليهات الا ان الطرف الاخر من الرحله ماكانوا موافقين على هالاقتراح..!!   منقوووووووووووووول المصدر: منتدى عالم السياحة - World Tourism - من قسم: السياحة في الإمارات العربيه المتحدة ud]djkh>>td hgudk
|
| 
|
العرض العادي
